Sətirlərin maviliyində

X

Sətirlərin maviliyində

Sətirlərin maviliyində

ərəstu mücərrəd

	Nə deyim
وار اولان اوره یی دمیر جرثقیل لردیر! قیش یوخوسوندا یوغون شه هه ر . و چوخداندیر تانیش پالتارلاری تراس دا گؤرمورم. فیریشته لر نئجه ده چیرکینمیشلر ؛ ماریا! سنه ناغیل نه دئییم خئيرين گئجه يه قالماسين سول اول !
+ یازیلمیش دیر دوشنبه 20 مهر1388ساعات 6 قبل از ظهر ə . m \|

	bax
ایچیمده بیر آییق دیو وار ، ان کولتورسوزون بیری یم یئتیشمیرسن کی ! دوشون ایکی میلیارد ایل سونرانی ! باخ دئم دوداقلاریما ایچیمده یاتیرسانا بو دیوی !
+ یازیلمیش دیر دوشنبه 30 شهریور1388ساعات 9 قبل از ظهر ə . m \|

	ٍSən varkən
آدينـــي مارتي لارا اؤيرتديم ! سسينــي ساكيت اوكيانين ان درينليينده بسته له ديم ! و مــاوي ال لـريني ، گــؤيلرين اته يينه ســارديم ! هئچ دورمـاديم ، و سـوسمـاديم ؛ ســن واركن بؤيله سينه منده ، هئچ زامـان – هئچ زامـان اؤلوم لره سينمـــــاديم . . .
+ یازیلمیش دیر دوشنبه 12 مرداد1388ساعات 10 قبل از ظهر ə . m \|

	Ümid yaşar
Ümid yaşar oğuzcan 1926 -1984 > türkiyə Dağ başında bir afçı* kölbəsi Yerlər diz boyu kar Ocakda atəş Dişarda rüzgar Hadi gəl ! Öncə sevişməliyiz uzun – uzun , Yerdəki ayı pustunun* , Üzərinə uzanmalıyız ! Bütün vucudunu , Santimetrə xanalara ayırıb Birər – birər öpməliyim ! Və sonra sım – sıkı sarılmalıyım sana Böyləcə ölməliyiz ! Aradan yıllar keçib , Bizi bulduqları zaman ətlərimiz çürümüş olsada , kəmiklərimiz* ayrılmamalı bir – birindən ! hadi gəl nəfəs almaq hünər deyil , səninlə ölmək istiyorum ! * اووچی / شیکارچی پوست / دری سوموک لریمیز
+ یازیلمیش دیر یکشنبه 4 مرداد1388ساعات 6 بعد از ظهر ə . m \|

	Sevgi
شاعیرین اولدوم ، گؤزلرین یادداشیمدا ، دلی قانلی حرف لره دؤندو.... من سنین سئوگیندن بیر اوجا بوی هئیکل یوندوم و سنی ابدی یوکسلتدیم – اوره ییم مئیدانین دا !
+ یازیلمیش دیر یکشنبه 28 تیر1388ساعات 9 قبل از ظهر ə . m \|


- اينسانين بيري اينسان = اينسان اؤزونسن ايكي كپه نك دالاشيردي !
+ یازیلمیش دیر یکشنبه 7 تیر1388ساعات 9 قبل از ظهر ə . m \|


... سسلنسنم آي ناز! قارا لاكلي ديرناقلارين هانكي چيين لره ياسلي دير باغير او آغ كيفينده كيمين ايتگين مئييديني داشييرسان ! بوينوندا كي زنجيرمي هانسي قرينه نين تورمه باداغي دير ! و سنده او تانا ، هانكي قارا قــــــول دان دانيشير ! آي ناز ! يولدا آوارييا اؤلوسو واردي ؛ چادراني اوزه رينه چكير – گليب سنمي ؟ قورخونو نئيله دين رنگين هارا قاچيب باغير آي ناز ! پارتلادي اوره ييميز ...
+ یازیلمیش دیر دوشنبه 31 فروردین1388ساعات 10 قبل از ظهر ə . m \|


آ ما ن سن كيمدي اوندا ايتيرسن من بو گئجه ياريسي گوندوزده ، قيپ قيرميزي ماوي بير آغ ؛ سونوندا باشلايير سويوق گونش كيمي باخيرسان گؤرمز گؤزلريمله سنه من . كيم سن دي ! سويو ايچير سوسوزلوغومو قوپ قورو ياغمورلار آلتيندا آ ما ن آپاردي قولاغيمي لال ايشيقلار ، بو يوللار هارا قاييدير !
+ یازیلمیش دیر دوشنبه 26 اسفند1387ساعات 9 قبل از ظهر ə . m \|


... تيــــراس دا سانجاقلانميش ماوي كنديره رنگلي پالتارلارين ؛ بيري ايله ياخيندان تانيشام !
+ یازیلمیش دیر شنبه 26 بهمن1387ساعات 10 بعد از ظهر ə . m \|


يئشيم آغا اوغلو ايستانبول اونيوئرسيته سينده ادبيات فاكولته سي آرخالو‍‍ژي بؤلومونو بيتيرميش دير . ايستانبول دا ياشايير . يئني نسيل تورك شعرينين اؤنده گلن آدلاريندان دير . başka gəzəgənin insanları , hırsızlama aşklar gri yalnızlıklar , new york blues , portakal tək meyvə değıldır , yanlışlar şəhərində randevu آدلي 5 شعر كيتابينين مؤلليفي دير . يئشيم شعرلري تورك پايئزيياسينين ان ياخشي عنعنه لريني اؤزونده عكس ائتديرير ... آلتداكي شعرلر يئشيم دن دير . قايناق : اؤزلم شه هر لري چاغداش تورك شعري توپلوسوندان . كؤچورن : ارسطو مجــــرد كاپيتان كاپيتان چوخو سنه بنزه يير سنين شاپكان دوروشون ، اوتوروشون ، ساكيتليين سنين يوللاريندان كئچير كيمي لري كيمي لري آياق بئله باسماديغين ليمانلاردان كاپيتان سنه بنزه ييرلر بنزه مه سينه آمما* سنين ماجران آپ آيري اونلاردان . Ⅶ آردی ---->
+ یازیلمیش دیر پنجشنبه 3 بهمن1387ساعات 2 بعد از ظهر ə . m \|


. . . ديسكيندي آتوشــــگه ؛ قوپـــدو دمير يولو آلتي ايرماق ، چؤربه لر چؤزولدولر چيغليق سالاراق ... قاپي يا دادانيق دارغالار ، خيرسيزجا : « ... قورتاردي» دئدي لر اوزاق دا بیر اكليل ! باييـــلدي خانيم آنام خاتين آنام !
+ یازیلمیش دیر چهارشنبه 25 دی1387ساعات 0 قبل از ظهر ə . m \|


Ey insan ! ə.m Bir axşam , " azadlıq praspekti "ndən az oyanlıq , " koral "barı önündə *gözüm bir alagöz qəhbiyə düşdü Yaşını soruşdum : " 14 " dedi ! sındı qol qanadım yanıma düşdü ...** * بورادا مجبورن ایشله نن بو کلمه اوچون اونجه حورمتلی اوخوجولاردان عوذور دیله ییرم !
+ یازیلمیش دیر جمعه 13 دی1387ساعات 11 قبل از ظهر ə . m \|


ə.m قیزینیرام سؤنوک بیر اوجاغا ؛ قیزیندیقجا اوشویوره م تیتره ک اللریم اؤلور مندن اؤنجه ، منده بو وارلیغینام بیتمیش کؤکوم کؤهول لرده آرتیق داش سونگولرین آغزینا وئرین منی بیر آز اوجاغلاریما اود و قایتارین منه چیلپاقلیغیمی باشماقلار منی یولومدان قویور ، یالین آیاقلاریمی منه وئرین اوتانیرام آغاجلاردان تورپاق باخیشیندا نیفرته دؤزه بیلمیره م منی کؤهول لره قایتارین آلینمیر ،ساختا وارلیغیم آنلاشیلمیر، سماوی اولا بیلمیره م منی یئره قایتارین !
+ یازیلمیش دیر چهارشنبه 27 آذر1387ساعات 9 بعد از ظهر ə . m \|


ə.m … آچار ساتان ساعات ساتان ، پالتووسیز، پوتون سیز قاراچی قادین ! بوزلاق شه هه رین بان سیز قالدیریمین دا سن هئچ ! کؤرپه نه قوشولوب اوشویوروم !
+ یازیلمیش دیر پنجشنبه 14 آذر1387ساعات 10 بعد از ظهر ə . m \|


قومــــــــلاقدا ə.m . . . بورادا ، ساچلار کوله یه وئریلمز٬ ایسلانماز یاغمورا و دنیز سنی اؤپه مز هئـــچ ! سن بیزیم ائله آچیقجا یاد ، ائله کی ناریم - دؤزه مزسن ! بو دمیر شه هرده ، ماوی روحلار آغیر آغیر پالتارلار ایچره و گون لر سانکی بیر اووج قوم ، ساورولور قومـــلاقدا ! هر شئی یاد سنه ، هر شئی اوزاق ؛ ناریم ! قایتارا بیلرمیسن اوچاق بیلیطینی !
+ یازیلمیش دیر چهارشنبه 22 آبان1387ساعات 9 قبل از ظهر ə . m \|


ياكووس كامپانل ليس* Iacovos kampanellis چئويرن : ارسطو . م ايكينجي دونيا موحاربه سيندن سونرا يونان* ادبي نسلينين آدليم شاعيرلرين دن بيريسي دير - بو شعرده گلن آوش ويتس – داخاو – ماوت ماوزن – بلزن ، دؤرد اؤلوم دوشرگه سي نين آدي دير كي آدولف هيتلر دؤورينده بوتون اورو پادا ياييلميش دير . بيرينجي سي لهستان ، ايكينجي سي آلمان ، اوچونجو سي اتريش و سونونجوسو بلژيك ده دوروردو . ساري اولدوز دان مقصد ، آلتي بوجاقلي اولدوز ايدي كي ساري پارچادان بيچيرديلر و هيتلر رژيمي يهودي لري مجبور ائديردي اونو پالتارلارينين كؤكسونه تيكسين لر . نئجه ده گؤزه ل دير منيم ايستكليم اؤز گونده ليك گئييمينده ساچلاريندا كيچيك بير داراقلا ! كيمسه بيلميردي كي او بونجا گؤزه ل دير . ا..ي آوش ويتس قيزلاري ا..ي داخاو قيزلاري سيز منيم گؤزه ل ايستكليمي گؤروبسينیزمي ؟ - ان اوزون بير سفرده اونونلا قارشيلاشديق ، نه اينينده پالتاري نه ساچيندا داراغي نئجه ده گؤزه ل دير منيم ايستكليم آناسينين گؤزو ، ایشیغی و قارداشي ، باشدان آياغا اؤپه ردي اونو ! كيمسه بيلميردي كي او بونجا گؤزه ل دير . ا..ي ماوت هاوزن قيزلاري ا..ي بلزن قيزلاري سيز منيم گؤزه ل ايستكليمي گؤروبسينیز مي ؟ - بوزلاميش بير مئيدان دا اونونلا قارشيلاشديق، آغ بيلنگينده بير نؤمره و اوره يينده بير ساري اولدوز .
+ یازیلمیش دیر سه شنبه 1 مرداد1387ساعات 5 بعد از ظهر ə . m \|


Ⅶ تاریخ منه دئدی : قان قان قان قاندیم! تاریخ تامام قان قان قان . Ⅶ آردی ---->
+ یازیلمیش دیر سه شنبه 18 تیر1387ساعات 10 قبل از ظهر ə . m \|


نه یـــــــول لاردان کئچدیک ! . . . قیرمیزی ایشیق آرخاسیندا تانیــــشدیق ، آغ جیزگی لر اوزه رینــــــده . قیـــــرواق آرابالار تک زامان اؤتدو اؤنوموزدن . . . آردیجیل سیگنال لار - و اؤیله جه پولیس فیت لری ! باخمادیق ، قیرمیزی ایشیقلار آرخاسیندا سئویشدیک . . . و کئچیلمز نه یوللاردان کئچدیک گؤزلرینین یاشیل ایشیغیلا ! Ⅶ آردی ---->
+ یازیلمیش دیر پنجشنبه 30 خرداد1387ساعات 2 بعد از ظهر ə . m \|


. . . دولوخماسایدیم اُف ! منیم بئینی قان ماوی ناریم اُف ! سئودان سیرتیمـدا آغیر قامچی لار قالیغی دیر، چوخدان بیتمیشکنده دوتساقلیغیم یئنه سیلینمز دیر بو ایزلر؛ او آن آدینی کی سیزیلدارام وولکانلاشارلار یئنه منده بونلار ! آه! منیم بئینی قان ماوی ناریم کیم نه بیلیر ، هرزه روحلارین جیلیزلیغیندا داشقالاق اولماسایدیم و دولوخماسایدیم ، قارا دیوارلارین مئییت قوخولو آرخاسیندا اوزون زامانلار ایندی ، آزاد بیر نغمه کاریدیم آزاد بیر نغمه کار و اوخویوردوم . . . Ⅶ آردی ---->
+ یازیلمیش دیر دوشنبه 20 خرداد1387ساعات 1 قبل از ظهر ə . m \|


« . . . » قوپـــــــــارديم ايلغيم لارا ساريلان باخيملاريمي ؛ نه سيلاح نه قـــــان ، توتوشاراق يازيلاريم ٬ اليندن و چكدييم رسم لر بئـله ، منه سن دوش لريني اوخوياراق باشلانديلار ! ايندي سانكي اوزولموش بير اوچورتمايام بوراخيلديم اؤزومده ؛ و بو يئني يولدا من سندن باشلانديم سويوق قانليم! نه سيلاح نه قـــــان من سندن باشلانديم . . . Ⅶ آردی ---->
+ یازیلمیش دیر جمعه 20 اردیبهشت1387ساعات 11 قبل از ظهر ə . m \|


ناظیم حکمت دن ایراق ! . . . یاشاماق بیر مــــــــزار کیمی تک و حور و بیر مــزارلیق کیمی قارداشجاسینا ، بو طـالع بیزیم Ⅶ آردی ---->
+ یازیلمیش دیر پنجشنبه 8 فروردین1387ساعات 1 بعد از ظهر ə . m \|


. . . او ، هم ده یولداشیــــــم ایدی آتــــــــلار اوتــــــــلار اوزه ریندن اؤتــــــــدولر! دیرناقلارینــــــدان قوپـــــــــار قیغیلجیم و قیزیلی یـــــــال لارینــــــــدا تـــــــــــوفان ! ... ایتی باخیشلاریلا ایتـــــــدیلر اوتلار دوزه نینــــــــده ؛ لال قورشون هاوادا ایتن کیمی . . . آتــــــــــلار! ایزلری اولدوزلارین گؤزلرینده قالـــــــــــدی . . . Ⅶ آردی ---->
+ یازیلمیش دیر جمعه 17 اسفند1386ساعات 3 بعد از ظهر ə . m \|


Ⅶ سـن واركن آدينـــي مارتي لارا اؤيره تديم ! سسينــي ساكيت اوكيانين ان درينليينده بسته له ديم ! و مــاوي ال لـريني ، گــؤيله رين اته يينه ســارديم ! هئچ دورمـاديم ، و سـوسمـاديم ؛ ســن واركن بؤيله سينه منده ، هئچ زامـان – هئچ زامـان اؤلوم لره سينمـــــاديم . . . Ⅶ آردی ---->
+ یازیلمیش دیر جمعه 12 بهمن1386ساعات 9 بعد از ظهر ə . m \|


Ⅶ بونجا سئودیکده كولك لري منه سود وئرميش بوآل تورپاغین ، وولکانلارینین قاتی بوز کولونده ؛ لؤک باتار بوزقورلارینین – باتی باتاقلیغیندا ، اوراداکی – یووارلانار ماویجه سینه گونش ده باتار ، و اوجالار اورادا حایات – عینی حایات ! من ؛ سرت وسال ، قورد یوران قایالیقلاریندا و اسه ر، قارلی قاسیرغالاریندا، سنی – دوشونجه نی و یولونو سئودیم ! و بونجا سئودیکده سیندیردیم اللریمه ساریلان دمیرلری ؛ کئچدیم قورشونلارین ایستی لییندن و اریتدیم دیرناقلاریمدا قیروولاری ... ایلیق – ایلیق اسه رکن گؤزلرینین اوکیانیندا ، سنی ، تانریلیغینی ، تورپاقلیغینی ، دوزلیغینی و اؤیله سینه اولدوزلوغونو سئودیم . - سنده ، گوجه واردیم - تانریلیغیندا ، باش آلدیم - تورپاقلیغیندا گؤیردیم - دوزلوغوندا ، یاندی دوداقلاریم و اولدوزلوغوندا ، ياكاموز کیمی پارلادیم ! بیر الیم ته تیک ده بیر الیم قلم ده آدینی گوللـــــــه لریمله آدینی گول لریمله یازدیم نازلیم ٬ یازدیم آزادلیغین ماوی یارپاقلارینا ! Ⅶ آردی ---->
+ یازیلمیش دیر چهارشنبه 26 دی1386ساعات 0 قبل از ظهر ə . m \|


Ⅶ بوتون سس لر سینیر یاغمورلار منه یوخوسونو یاغیر دی : کیمسه گله جک د یر و منی اوزون یاللی بیر آتلا ، شا ملار یوردونا – اورا کی ، اورادا هئچ بیر اوشاق قورشونلا نمیر آپاراجاق دیر. منه کولک لر سحری اسیر دی کیمسه گوله جک دیر و منی گلین ناز لی بیر دورنا، گؤل لر اؤلکه سینه اورا کی، اورادا هئچ بیر قاناد سینمیر دؤنه جک د یر . قورشونلار منه یوخلو غو ساچدی : کیمسه گلمه یه جک ! و منی اؤزوم قده ر تورپاق ، وارلیغیمین سونونا - اورا کی، اورادا بوتون سس لر سینیر آپاراجاق د یر !
+ یازیلمیش دیر پنجشنبه 26 مهر1386ساعات 0 قبل از ظهر ə . m \|


گؤزلرين آيا باسديريلميش ايكي چاخير كوپو . من يولونو آزميش بير سوسوز !
+ یازیلمیش دیر دوشنبه 22 مرداد1386ساعات 0 قبل از ظهر ə . m \|